ජනමාධ්‍ය ආයතන බාධාවකින් තොරව පවත්වාගෙන යාම සදහා අවශ්‍ය ඉන්ධන ලංකා ගමනා ගමන මණ්ඩලයේ ඩිපෝ මඟින් ලබා දීමේ වැඩපිළිවෙළක් සකස් කර ඇතැයි ජනමාධ්‍ය අමාත්‍ය ආචාර්ය බන්දුල ගුණවර්ධන මහතා අද (04) පාර්ලිමේන්තුවේ දි පැවසීය.
පාර්ලිමේන්තු මන්ත්‍රී කිංස් නෙල්සන් මහතා මහතා යොමු කළ වාචික පිළිතුරු අපේක්ෂා කරන ප්‍රශ්නයකට ප්‍රතිචාර දක්වමින් අමාත්‍යවරයා මේ බව හෙළි කළේ ය.
එළඹෙන 10 දින තෙක් ප්‍රමාණවත් ඉන්ධන නොමැති බැවින් ප්‍රාදේශීය මාධ්‍යවේදීන් සඳහා ඉන්ධන ලබාදිය නොහැකි බවත්, වෛද්‍ය සේවා වලට අවශ්‍ය අයටත්, වෛද්‍යවරුන්ටත් විශේෂ බස් රථ සේවා සකස් කර තිබෙන බවත් ජීවිත බේරා ගැනීමට ඔවුන්ගේ සේවය අත්‍යාවශ්‍ය බවත් මේ අවස්ථාව බැරෑරුම් බවත් මාධ්‍ය ආයතන පවත්වාගෙන යාමට ඉන්ධන සැපයීමට ප්‍රමුඛතාවක් ලබා දී තිබෙන බව ද අමාත්‍යවරයා කීය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
