එළඹෙන 08 වනදා ඉන්දියානු ණය ආධාර යටතේ ලැබෙන පළමු යූරියා පොහොර තොගය මෙරටට ළගා වීමට නියමිත බවත් එය ජූලි 9, 10 වනවිට ප්‍රදේශවලට බෙදා දීමට සියලු කටයුතු සූදානම් බව කෘෂිකර්ම අමාත්‍ය මහින්ද අමරවීර මහතා අද (4) පාර්ලිමේන්තුවේ දී පැවසීය.
මෙම පළමු පොහොර තොගය මෙට්ට්‍රික් ටොන් 40,000ක් ව න අතර එය ඕමානයේ සිට මෙරටට ළඟා වීමට නියමිතය. මෙම යූරියා පොහොර රුපියල් 10,000ක මුදලකට ලබා දීමට සැළසුම් කර ඇතැයිද අමාත්‍යවරයා කීය.
ඉදිරි මාස තුන තුළදී අංග සම්පූර්ණ ජාතික කෘෂිකර්ම ප්‍රතිපත්තියක් හඳුන්වාදීමේ වැඩපිළිවෙළ සිදු කරන බව කෘෂිකර්ම අමාත්‍යවරයා පැවසීය. ආහාර සුරක්ෂිතතාවය ඇති කිරීම සහ කෘෂිකාර්මික අපනයන මඟින් අමතර විදේශ විනිමය ඉපයීමේ වැඩපිළිවෙළක් ක්‍රියාත්මක බවද අමාත්‍යවරයා සඳහන් කළේ ය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
