වී ගොවිතැනේ නියුතු ගොවීන්ගේ කෘෂිකාර්මික යන්ත්‍රසුත්‍ර වලට ප්‍රමුඛව අවශ්‍ය ඉන්ධන ලබා දීමේ අවශ්‍යතාවය පිළිබඳව සළකා මේ සම්බන්ධව ඛනිජතෙල් අමාත්‍යවරයා සමඟ ද තමන් සාකච්ඡා කොට ඇති බවත්, ඒ සඳහා වන යෝජනාවක් කැබිනට් මණ්ඩලයට ඉදිරිපත් කර ඇති බවත් අමාත්‍යවරයා පැවසීය.
එමෙන්ම, ගොවීන්ට අවශ්‍ය පොහොර ප්‍රවාහන කටයුතු සිදු කිරීමේ දී ගණන් බලා ඇති ආකාරයට ඉන්ධන ලීටර් මිලියන 20කට වැඩි ප්‍රමාණයක් අවශ්‍ය වනු ඇතැයි ද හෙතෙම මෙහි දී සඳහන් කරන ලදුව, එකී පොහොර ප්‍රවාහනය සඳහා අවශ්‍ය ඉන්ධන ලබා දීමට සහ අස්වැන්න නෙළා ගැනීමට අවශ්‍ය යන්ත්‍ර වලට ප්‍රමුඛතාවය ලබා දෙමින් ඉන්ධන ලබා දීමට අවශ්‍ය වැඩපිළවෙල සකස් කරන බවත් වැඩිදුරටත් සඳහන් කෙරිණි.
