පොදු ව්‍යාපාර පිළිබඳ කාරක සභාවේ විශේෂ රැස්වීමක් (04දින ) පාර්ලිමේන්තුවේදී පැවැත්විනි.

මීට අමතරව මහ බැංකුවේ රාජ්‍ය ණය සහ මූල්‍ය ප්‍රතිපත්ති ක්‍රියාත්මක කිරීම පිළිබඳව සාකච්ඡා කිරීමට කෝප් කමිටුව විශේෂයෙන් රැස්වීමට අදාළ දින තීරණය කරගැනීමද සිදු විය.

මේ අනුව මෙම මස 19,20,21,22 යන දිනයන්හි මේ පිළිබඳ සාකච්ඡා කිරීමට කෝප් කමිටුව විශේෂයෙන් රැස්වීමට තීරණය කළේය. ඒ සඳහා මහබැංකුවේ හිටපු අධිපතිවරුන්, හිටපු මුදල් අමාත්‍යාංශ ලේකම්වරුන් ඇතුළු නිලධාරීන් කැඳවීමටද එකඟතාවය ඵල විය.

එසේම ලංකා විදුලිබල මණ්ඩලයේ විදුලිය ජනනය කිරීම්, මිලදී ගැනීම්, බෙදාහැරීම් සහ ව්‍යාපෘති පිළිබඳව සොයාබැලීමට කෝප් කමිටුව අගෝස්තු මස 02,03,04,05 යන දින වල විශේෂයෙන් රැස්වීමට තීරණය වු බව පාර්ලිමේන්තුව පවසයි.