රට මුහුණ දී ඇති ආර්ථික අර්බුදයෙන් දේශපාලන වාසි ලබා ගැනීමට ඇතැමුන් කටයුතු කිරීම කණගාටුදායක තත්ත්වයක් බව ආණ්ඩු පක්ෂයේ ප්‍රධාන සංවිධායක, අමාත්‍ය ප්‍රසන්න රණතුංග මහතා අද(06) පාර්ලිමේන්තුවේදී පැවසීය.
රටේ වර්තමාන තත්වය සම්බන්ධයෙන් සභාව කල්තබන අවස්ථාවේ විවාදයට එක්වෙමින් අමාත්‍යවරයා මේ බව සඳහන් කළේය.
අර්බුදය විසඳීමට රජය සියලු පියවර ගෙන ඇති බවත් රටට අවශ්‍ය අත්‍යාවශ්‍ය භාණ්ඩ ආනයනය කිරීමට කටයුතු යොදා ඇතැයිද අමාත්‍යවරයා පැවසීය.
එබැවින් රජයේ වැඩපිළිවෙළ සඳහා ජනතා සහාය ලබා දෙන්නැයි අමාත්‍යවරයා ඉල්ලා සිටියේය. පසුගිය මැයි 09 වන දා ඇති වූ සිදුවීම වැනි සිදුවීම් යළි ඇති නොවීමට වගබලාගත යුතු යැයිද අමාත්‍යවරයා අවධාරණය කළේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
