ඒ සඳහා විශේෂයෙන්ම ආරක්ෂක මාණ්ඩලික ප්‍රධානි, පොලිස්පති සහ ත්‍රිවිධ හමුදාපතිවරුන්ගෙන් යුත් කමිටුවක් පත් කොට එම කමිටුවට සම්පුර්ණ බලතල ලබා දී ඇතැයි ද, මෙම නීතිය හා සාමය ආරක්ෂා කර ගැනීමට දේශපාලන අතපෙවීම් වලින් තොරව සිදු කිරීමට ද තමන් එම කමිටුව වෙත උපදෙස් ලබා දී ඇති බව ද ඒ මහතා ප්‍රකාශ කරයි.
මෙරට ජනතාවගේ සර්වජන ඡන්ද බලයත්, ජනතාවගේ ස්වාධිපත්‍යයත් ක්‍රියාත්මක වන්නේ පාර්ලිමේන්තුව මඟින් වන අතර ඇතැමුන් මෙරට ව්‍යවස්ථාව හා පාර්ලිමේන්තුව වැඩකට නැති දෙයක් බවත්, ඔවුන් පවසන දේ ක්‍රියාවට නංවන ලෙසත් ප්‍රකාශ කරමින් අරගල කළ ද එසේ මෙරට ව්‍යවස්ථාව නොසළකා හැරිය නොහැකි බවත් ප්‍රකාශ කළ වැඩබලන ජනාධිපතිවරයා මෙරට අනාගතයට, මෙරට දරුවන්ට, මෙරට පුරවැසියන්ට මේ රට ආරක්ෂා කරගනු වස් නීතිය හා සාමය ආරක්ෂා කර ගැනීමට ත්‍රිවිධ හමුදාවට සහ පොලිසියට පුරවැසියන්ගේ සහාය ලබා දෙන ලෙසත් රනිල් වික්‍රමසිංහ මහතා වැඩිදුරටත් අවධාරණය කළේය.
