මේ අවස්ථාවට ජනාධිපති ලේකම් ගාමිණී සෙනරත් මහතා ද එක් විය.

ජනාධිපති ගෝඨාභය රාජපක්ෂ මහතා 2022-7-14 දින සිට නීත්‍යාණුකූලව සිය ධූරයෙන් ඉල්ලා අස් වූ බව කතානායක මහින්ද යාපා අබේවර්ධන මහතා අද (15) උදෑසන නිල වශයෙන් නිවේදනය කළේ ය.

ඒ අනුව පුරප්පාඩු වූ ජනාධිපතිධූරය සඳහා ව්‍යවස්ථාණුකූලව අග්‍රාමාත්‍යවරයා පත් වන බව කතානායකවරයා ප්‍රකාශ කළේ ය.

පාර්ලිමේන්තුව හෙට (16) සෙනසුරාදා රැස්වන බව ද කතානායකවරයා දැනුම් දුන්නේ ය. ජනාධිපතිධුරයේ පුරප්පාඩුවක් පවතින බව හෙට පාර්ලිමේන්තුවට නිවේදනය කෙරෙන බව ද පෙර තීරණය කළ පරිදි නාම යෝජනා කැදවීම ලබන 19 වැනිදා  ද ජනාධිපතිවරයා තෝරා පත් කර ගැනීම 20 වැනිදා  ද සිදු කෙරෙන බව ද අද පැවති පක්ෂ නායක රැස්වීමේදී කථානායකවරයා දැනුම් දුන් බව පාර්ලිමේන්තු මාධ්‍ය අංශය නිවේදනය කළේ ය.