මෙම උත්සවය තුර්කියේ සංචාරක කේන්ද්‍රස්ථානය වන අන්ටල්යා නුවර කොන්යාල්ටි හි පිහිටි බීච්පාර්ක්හි දී පැවැත්විණි. මෙම අවස්ථාවට සහභාගී වූ අමුත්තන් ශ්‍රී ලංකාවේ බතික් සහ අත්යන්ත්‍ර සාරි, රැප් අරවුන්ඩ් ඇඳුම් (wrap- arounds), සාලු සහ අනෙකුත් ඇඳුම් සතු විචිත්‍රත්වය අගය කළ අතර, ඊ-වාණිජ්‍ය වේදිකා හරහා ශ්‍රී ලාංකික සැපයුම්කරුවන් සමඟ සම්බන්ධ වීම කෙරෙහි දැඩි උනන්දුවක් දැක්වූ හ.
තානාපති රිස්වි හසන් මැතිතුමා මෙම උත්සවය අතරතුර, ශ්‍රී ලංකාවේ විලාසිතා ක්ෂේත්‍රය සහ බතික් සහ අත්යන්ත්‍රවල සුවිශේෂීත්වය පිළිබඳව අමුත්තන් දැනුම්වත් කළේ ය. ශ්‍රී ලංකාවේ බතික් සහ අත්යන්ත්‍ර කර්මාන්තය පමණක් නොව, කෙටි චිත්‍රපට කර්මාන්තය ද ගවේෂණය කරන ලෙස නිර්වේතනික කොන්සල් කම්බුරොග්ලු මහතා අමුත්තන්ට අරයුම් කළේ ය. ශ්‍රී ලාංකික කෙටි චිත්‍රපට පහක් මෙහිදී ප්‍රදර්ශනය කෙරුණු අතර, උත්සවයට පැමිණි ආරාධිතයන් හට ශ්‍රී ලාංකික රසකැවිලි ද පිරිනමන ලදි.
