මෙම හමුව අතරතුර සිය අදහස් පළ කළ මහ කොමසාරිස්වරයා, වත්මන් ආර්ථික අභියෝග හමුවේ ඉන්දියාව ශ්‍රී ලංකාවට ලබා දෙන සහය පිළිබඳව විදේශ අමාත්‍යවරයා දැනුම්වත් කළේ ය. විශේෂයෙන්ම මෙම දුෂ්කර අවස්ථාවේ දී ශ්‍රී ලංකාවට ලබා දුන් සහයෝගය සම්බන්ධයෙන් අමාත්‍ය අලි සබ්‍රි මහතා ඉන්දීය ජනතාවට සහ ඉන්දීය රජය වෙත සිය ස්තූතිය පළ කළේ ය.
දෙරට අතර පවත්නා ද්විපාර්ශ්වික නිරතවීම්වල ප්‍රගතිය පිළිබඳව සාකච්ඡා කළ අමාත්‍ය අලි සබ්‍රි මහතා සහ මහ කොමසාරිස්වරයා, දෙරට අතර පවත්නා බහුවිධ සහයෝගීතාව පිළිබඳව තෘප්තියට පත්වන බවද අවධාරණය කළහ.
