ප්‍රවාහන, මහාමාර්ග හා ජනමාධ්‍ය අමාත්‍ය ආචාර්ය බන්දුල ගුණවර්ධන මහතා විසින් නව දුම්රිය සාමාන්‍යාධිකාරීවරයා ලෙස ශ්‍රී ලංකා ක්‍රම සම්පාදන සේවයේ විශේෂ ශ්‍රේණීයේ පළපුරුදු නිලධාරියෙකු වන ඩබ්ලිව්.ඒ.ඩී.එස්. ගුණසිංහ මහතා පත් කර ඇත.
ජනාධිපති අතිරේක ලේකම්වරයෙකු ලෙසද ගුණසිංහ මහතා මීට ඉහත කටයුතු කර ඇත.
නව මෝටර් රථ ප්‍රවාහන කොමසාරිස් ජනරාල් වරයා ලෙස ශ්‍රී ලංකා පරිපාලන සේවයේ විශේෂ ශ්‍රේණියේ නිළධාරියෙකු වන නිශාන්ත අනුරුද්ධ වීරසිංහ මහතා, පත්කර ඇත.
ජනාධිපති අතිරේක ලේකම් වරයෙකු ලෙස මීට පෙර කටයුතු කර ඇති නිශාන්ත අනුරුද්ධ වීරසිංහ මහතා සහ නව දුම්රිය සාමාන්‍යාධිකාරී ඩබ්ලිව්.ඒ.ඩී.එස්. ගුණසිංහ මහතා අද (08/04) දින ප්‍රවාහන හා මහාමාර්ග අමාත්‍යාංශයේදී අමාත්‍ය ආචාර්ය බන්දුල ගුණවර්ධන මහතා අතින් සිය පත්වීමට අදාල ලිපි බාර ගන්නා ලදි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
