කම්කරු හා විදේශ රැකියා අමාත්‍ය මනුෂ නානායක්කාර මහතාගේ උපදෙස් පරිදි ශ්‍රී ලංකා විදේශ සේවා නියුක්ති කාර්යාංශයේ විශේෂ විමර්ශන අංශයේ කණ්ඩායමක් කටුනායක ගුවන් තොටුපොල පරිශ්‍රයේ ස්ථාපිත කර ඇති කාර්යාංශ කවුළුවේ රාජකාරි කටයුතු පිළිබඳ හදිසි පරික්ෂාවක් සිදුකරන ලදී.
මෙහිදී රැකියා සඳහා විදේශ ගතවන විගමණිකයින්ගේ කටයුතු සිදුකරන ආකාරය පිළිබඳවත්, සංචාරක වීසා මගින් විදේශ ගතවීමට පැමිණෙන පුද්ගලයින් සම්බන්ධයෙන් කටයුතු සිදුකරන ආකාරයත් විමර්ශන කණ්ඩායමේ නිරීක්ෂණයට ලක්වූ අතර, කාර්යාංශ ගුවන් තොටුපොල ඒකකයේ ඉදිරි කටයුතු සම්බන්ධයෙන් අවශ්‍ය උපදෙස් ලබාදීමද සිදුකරන ලදී.
කාර්යාංශයේ උප සභාපති ඒ.ඒ.එම්.හිල්මි මහතාද මෙම අවස්ථාවට සහභාගි විය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
