1952 - 1972 දක්වා ශ්‍රී ලංකාවේ අග රැජින ලෙසද,පොදු රාජ්‍ය මණ්ඩලීය ප්‍රධානී ලෙසද කටයුතු කළ, දෙවන එලිසබෙත් මහ රැජිණගේ අභාවය වෙනුවෙන් අද (19) ශෝක දිනයක් ප්‍රකාශයට පත් කිරීමට රජය පියවර ගෙන තිබේ.
දෙවන එළිසබෙත් මහරැජිණගේ රාජකීය අවමංගල උත්සවය යෙදෙන අද (සැප්.19 දින )මෙලෙස ශෝක දිනයක් ලෙස ප්‍රකාශයට පත් කළ අතර මෙම ශෝක දිනය වෙනුවෙන් රජයේ විශේෂ නිවාඩු දිනයක් ලෙස ද ප්‍රකාශයට පත් කළ බව රාජ්‍ය පරිපාලන අමාත්‍යාංශය පසුගිය දා නිවේදනය කළේ ය.
එසේම (19 ) අද දක්වා ජාතික කොඩිය අඩකුඹු කර තබන ලෙස ද රාජ්‍ය ආයතන වෙත දන්වා තිබුණි.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
