පසුගිය වසරේ දී අපනයන භෝග ආශ්‍රිතව ( කුරුඳු ගම් මිරිස් ආදී ) අපනයනයෙන් ඩොලර් මිලියන 460ක ආදායමක් උපයා තිබෙන බව වැවිලි කර්මාන්ත අමාත්‍ය වෛද්‍ය රමේෂ් පතිරණ මහතා පැවසීය.
අමාත්‍යවරයා අද (22) පාර්ලිමේන්තුවේ දී වාචික පිළිතුරු අපේක්ෂා කරන ප්‍රශ්නයකට පිළිතුරු දෙමින් මේ බව පැවසීය.
මෙම ආදායම ම මෙම වසරේ දී ද ලබාගත හැකිවේ යැයි අමාත්‍යවරයා සඳහන් කළේ ය. 2020 වසරට සාපේක්ෂව 2021 වසරේ දී අපනයන ආදායමේ සියයට 30% වැඩි වීමක් සිදු වූ බවත් අගයදාම එකතු කිරීමේ වැඩසටහන වෙනුවෙන් ආසියානු සංවර්ධන බැංකු ණය ආධාර යටතේ කෘෂිකර්ම නවීකරණ ව්‍යාපෘතිය මඟින් කර්මාන්ත රැසකට ආධාර ලබා දී තිබෙන බව අමාත්‍යවරයා කීය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
