ශ්‍රී ලංකාවේ නවසීලන්ත මහ කොමසාරිස් මයිකල් ඇපල්ටන් මහතා සහ නියෝජ්‍ය මහ කොමසාරිස් ඇන්ඩෘ ට්‍රැවලර් මහතා, මහජන ආරක්ෂක ඇමැති ටිරාන් අලස් මහතා අතර හමුවක් මහජන ආරක්ෂක අමාත්‍යාංශයේදී (23 දා) පැවැත්විණ.
ගෙවුනු මාස කිහිපයෙහි දේශපාලනික වශයෙන් පැවති මහජන විරෝධතා පිළිබඳවත් වත්මන් රටතුල පවතින සාමකාමී තත්ත්වය ගැනත් ඒ සඳහා ශ්‍රී ලංකා පොලිසියේ කාර්ය භාරය පිලිබඳව මෙහිදී සාකච්ඡා කෙරිණි.
මෙහිදී මයිකල් ඇපල්ටන් මහතා ශ්‍රී ලාංකිකයන් නීති විරෝධී සංක්‍රමණිකයන් ලෙස බෝට්ටු මගින් නවසීලන්තයට පැමිණීමේ අවධානමක් පවතින බවත් එය වැලැක්වීමට සහයෝගය දක්වන ලෙස මහජන ආරක්ෂක ඇමැති ටිරාන් අලස් මහතාගෙන් ඉල්ලා සිටියේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
