පසුගිය 22 වැනිදා පාර්ලිමේන්තුවේදී සම්මත වූ “ශ්‍රී ලංකා රූපවාහිනී සංස්ථා (සංශෝධන)” නමැති පනත් කෙටුම්ප‍තෙහි සහතිකය සටහන් කරන ලද බව කථානායක මහින්ද යාපා අබේවර්ධන මහතා අද (03) පෙරවරුවේ නිවේදනය කළේය.
1982 අංක 6 දරන ශ්‍රී ලංකා රූපවාහිනි සංස්ථා පනත සංශෝධනය කිරීම සදහා වූ මෙම පනත් කෙටුම්පත මගින් පනතේ තුන්වන වගන්තිය සංශෝධනය කර ඇත. එමගින් රූපවාහිනී සංස්ථාවේ සංයුතිය (අධ්‍යක්ෂ මණ්ඩල සංයුතිය) වෙනස් කිරීම සිදුවේ. මේ අනුව 2022 අංක 26 දරන ශ්‍රී ලංකා රූපවාහිනි සංස්ථා (සංශෝධන) පනත ලෙස මෙම සංශෝධිත පනත බලාත්මක වේ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
