ඉදිරියේ දී 75%කට ආසන්නව වැඩ නිම කර ඇති ව්‍යාපෘති අවසන් කිරීම සඳහා ප්‍රමුඛතාවය ලබා දීමට ප්‍රතිපත්තිමය තීන්දුවක් ගන්නා බව සෞඛ්‍ය අමාත්‍ය කෙහෙළිය රඹුක්වැල්ල මහතා අද (04) පාර්ලිමේන්තුවේ දී පැවසීය.
එමගින් එම ව්‍යාපෘතින් වල ප්‍රතිලාභ ජනතාවට ලබා දිය හැකි බවද අමාත්‍යවරයා පෙන්වා දුන්නේය.
පාර්ලිමේන්තු මන්ත්‍රී තවරාජා කලෙයි අරසන් මහතා අම්පාර දිස්ත්‍රික්කයේ නාවිදන්වෙලි ඇතුළු ප්‍රදේශීය ලේකම් කොට්ටාශ කිහිපයක ජල ගැටළුව සම්බන්ධයෙන් යොමු කළ වාචික ප්‍රශ්නයකට පිළිතුරු දෙමින් අමාත්‍යවරයා මේ බව පැවසීය.
පානීය ජලය වැනි මූලික අවශ්‍යතාවයක් කිසිම අවස්ථාවක කිසිම ජන කොටසකට නොදී සිටීමට රජය කටයුතු නොකරන බවද අමාත්‍යවරයා අවධාරණය කළේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
