සමාජ මාධ්‍ය වාරණය කිරීම සම්බන්ධයෙන් කිසිදු අඳහසක් නොමැති බව ජනමාධ්‍ය අමාත්ය බන්දුල ගුණවර්ධන මහතා (06) පාර්ලිමේන්තුවේදී පැවසීය.
මාධ්‍ය වාරණයට ලක් කිරීම හෝ මාධ්‍ය සඳහා සීමා පැනවීම රජයේ ප්‍රතිපත්තිය නොවන බව අමාත්‍යවරයා අවධාරණය කළේය.
පාර්ලිමේන්තු මන්ත්‍රී ගයන්ත කරුණාතිලක මහතා යොමු කළ වාචික ප්‍රශ්නයකට පිළිතුරු දෙමින් අමාත්‍යවරයා මේ බව පැවසීය.
ඇතැම් සමාජ මාධ්‍ය තුළ දරුණු ලෙස වාර්ගික ආගමික සහ සාමාජීය වශයෙන් ගැටුම් ඇති වන පරිදි පළ වන දෑ සම්බන්ධයෙන් නියාමනයක් තිබිය යුතු බව මුළු ලෝකයම පිළිගන්නා කාරණයක් බව ජනමාධ්‍ය අමාත්‍යවරයා පෙන්වා දුන්නේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
