ධීවර ජනතාවට සහ ඔවුන්ගේ පවුල් වලට, වැඩි ප්‍රතිලාභ ලබා දිය හැකි ධීවර රක්ෂණ ක්‍රමයක් පිළිබඳ අවධානය යොමු කර ඇති බවත් එළඹෙන ජාත්‍යන්තර ධීවර දිනය නිමිත්තෙන් මෙම රක්ෂණ ක්‍රමය එළි දැක්වීමට බලාපොරොත්ුත වන බව ධීවර අමාත්‍ය ඩග්ලස් දේවානන්ද මහතා අද(07) පාර්ලිමේන්තුවේ දී පැවසීය.
අද විශේෂ ප්‍රකාශයක් සිදුකරමින් ධීවර අමාත්‍යවරයා මේ බව පැවසීය.
එළඹෙන සතියේ මෙම රක්ෂණ ක්‍රමය පිළිබඳව කැබිනට් මණ්ඩලයට ඉදිරිපත් කරන බවද අමාත්‍යවරයා කීය. ඉන්ධන අර්බුදය නිසා අසරණ වූ ධීවරයින්ට සහන සැළසීමේ සුභ සාධක වැඩපිළිවල් රැසක් ක්‍රියාත්මක කරන බවද අමාත්‍යවරයා පැවසීය.
ධීවර සහ වතුකරයේ ජනතාව වෙනුවෙන් රුපියල් මිලියන 5000ක භූමිතෙල් සහණාධාරයක් ලබා දීමට පසුගිය අයවැයෙන් වෙන් වී ඇති බවත් තවත් සහනාධාර ලබා දීම සම්බන්ධයෙන් රජය කටයුතු කරන බවද අමාත්‍යවරයා කීය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
