ඒ මහතා මේ බව ප්‍රකාශ කළේ ඊයේ (09) ලෝක තැපැල් දිනය වෙනුවෙන් තැපැල් දෙපාර්තමේන්තුවේ පැවති සැමරුම් උත්සවයේ දී ය.
තැපැල් දෙපාර්තමේන්තුව හා මොටර් රථ ප්‍රවාහන දෙපාර්තමේන්තුව උපාය මාර්ගික ක්‍රියාවලීන් සඳහා අඩිතාලම දමා ඇති අතර ඊට ආයතනවල සේවකයින්, වෘත්තීය සමිති ඇතුළු සියලු දෙනා සහයෝගය ලබා දිය යුතු බව ද, සියල්ලන්ගේම සහයෝගයෙන් යුතුව ආයතන පවත්වාගෙන යාමට ප්‍රමාණවත් අදායමක් ලබා ගත යුතු වන බව ද හෙතෙම පැවසීය.
එමෙන්ම, වර්තමානයේ දී ලංකා ඉතිහාසයේ ප්‍රථම වතාවට ආර්ථික වර්ධනය ඍණ අගයක් වී ඇති අතර මෙවර ඇස්තමේන්තු ගත කර ඇති පරිදි කෘෂිකර්මාන්තය, කර්මාන්ත හා සේවා යන සියලුම අංශ වලින් ජාතික නිෂ්පාදනයට ලැබෙන දායකත්වය ඍණ හතක් වනු ඇතැයි ද ප්‍රකාශ කළ අමාත්‍යවරයා රට ගොඩනැඟීම සඳහා පක්ෂ පාට භේදයකින් තොරව එකතු වී වැඩකළ යුතු බව ද හෙතෙම වැඩිදුරටත් ප්‍රකාශ කළේය.
ජනමාධ්‍ය රාජ්‍ය අමාත්‍ය ශාන්ත බණ්ඩාර මහතා ද මෙහි දී අදහස් ප්‍රකාශ කළේය.
පසුගිය කොවිඩ් වසංගත සමයේ දී තම ජිවිත අවදානම ද නොතකා ජාතික යුතුකමක් සේ සළකා අහිංසක ජනතාවට ඔවුන්ගේ බෙහෙත් නිවසටම ලබා දීමට කටයුතු කිරීම හෘදයාංගමව අගය කරන බව සඳහන් කළ ජනමාධ්‍ය රාජ්‍ය අමාත්‍යවරයා, තැපැල් දෙපාර්තමේන්තුව සතුව තිබෙන පද්ධතිය/තැපැල්ජාලය වර්තමානයට ගැලපෙන ආකරයෙන් සකස් කළ යුතු බව ප්‍රකාශ කළේය.
එමඟින් තැපෑල ලාභ ලබන ආයතනයක් බවට පත් කිරීමට කටයුතු කළ යුතු බවත්, තැපෑල පාඩු ලබනවා නම් එහි වගකීම දේශපාලන අධිකාරිය ලෙස වගකීම ඔවුනුත් ගත යුතු බවත් අවධාරණය කළ හෙතෙම ව්‍යාපාර මානසිකත්වයකින් යුතුව සේවකයින්ගේ ආරක්ෂාව තහවුරු කර ගනිමින් සේවක වැටුප් වැඩි කරමින් ඉදිරියට ය යුතු දෙපාර්තමේන්තුවක් ලෙස තැපැල් දෙපාර්තමේන්තුව පත් කළ යුතු බවත්, එමඟින් තැපැල් දෙපාර්තමේන්තුව පෞද්ගලීකරණය කිරීමට අදහසක් නොවන බවත්, තිබෙන සම්පත් ප්‍රයෝජනයට ගෙන ලාභ ලබන තත්ත්වයට පත් කර මානව හා භෞතික සම්පත් මනාව කළමනාකරණය කළ යුතුයි බවත් රාජ්‍ය අමාත්‍යවරයා මෙහි දී වැඩිදුරටත් ප්‍රකාශ කළේය.
