තමන් කිසිදු ආකාරයකින් මාධ්‍ය නිදහස හෝ මාධ්‍ය කටයුතු වෙනුවෙන් බලපෑම් එල්ල කර නොමැති බවත්, එසේ එල්ල කර ඇතැයි එක්තරා පුවත්පතක පළවූ වාර්තා සත්‍ය යයි ඔප්පු කරන්නේ නම් තමන් කටයුතු කරන ජනමාධ්‍ය අමාත්‍ය ධුරයෙන් ඉවත්වීමට සූදානම් බව, කැබිනට් මාධ්‍ය ප්‍රකාශක ජනමාධ්‍ය අමාත්‍ය ආචාර්ය බන්දුල ගුණවර්ධන මහතා පවසයි.
රජයේ ප්‍රවෘත්ති දෙපාර්තමේන්තු පරිශ්‍රයේ අද(11) පැවති කැබිනට් තීරණ දැනුම් දීමේ මාධ්‍ය හමුවේදී බන්දුල ගුණවර්ධන අමාත්‍යවරයා රූපවාහිනී මාධ්‍යයට බලපෑම් සිදු කළේ යැයි පුවත්පතක පළ වූ වාර්තාවක් සම්බන්ධයෙන් මාධ්‍යවේදියකු විමසූ පැණයට පිළිතුරු වශයෙන් අමාත්‍යවරයා මේ බව පැවසීය.
මෙවන් අසත්‍ය වාර්තා සම්බන්ධයෙන් තමන් දැඩි ලෙස කණගාටු වන බවත්, මේ සම්බන්ධයෙන් වන වාර්තා සත්‍ය නම් එය ඔප්පු කර තමන්ව ජනමාධ්‍ය අමාත්‍ය ධුරයෙන් ඉවත් කිරීමට මාධ්‍යයට හැකියාවක් පවතින බවත්,අමාත්‍යවරයා වැඩිදුරටත් පැවසීය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
