22වැනි ව්‍යවස්ථා සංශෝධනය නියමිත දිනට විවාදයට ගන්නේ දැයි විපක්ෂ නායක සජිත් ප්‍රේමදාස මහතා ඇසූ ප්‍රශ්නයකට පිළිතුරු ලබාදෙමින් සභානායකවරයා මේ බව සඳහන් කළේය.
ද්විත්ව පුරවැසිභාවය නැවත ගෙන ඒම හා පාර්ලිමේන්තු විසුරුවා හැරීම වසර හතර හමාර කිරීම යන කොන්දේසී දෙක පොහොට්ටුවේ මන්ත්‍රී කණ්ඩායම විසින් දමා ඇද්දැයි ද විපක්ෂ නායකවරයා මෙහිදී සභානායකවරයාගෙන් අසා සිටියේය.
න්‍යාය පත්‍රයේ සඳහන් පරිදි යොදාගත් ආකාරයට සියලු විවාද පවත්වන බවත් මැතිවරණ කල් දැමීමක් සම්බන්ධයෙන් කිසිඳු සාකච්ඡාවක් සිදුව නොමැති බවත් ප්‍රේමජයන්ත මහතා පැවසීය.
