ඔහු මේ බව පැවසුවේ අද (18) රජයේ ප්‍රවෘත්ති දෙපාර්තමේන්තුවේ පැවති කැබිනට් තීරණ දැනුම්දීමේ මාධ්‍ය හමුවේදී අදහස් දක්වමිනි.
හිටපු කතා නායක කරූ ජයසූරිය මහතා සහ ප්‍රවීණ ජ්‍යෙෂ්ඨ මාධ්‍යවේදී වික්ටර් අයිවන් මහතා ඇතුළු නියෝජිත කණ්ඩායමක් ජනසභා පිහිටුවීම පිළිබද කරුණු කැබිනට් මණ්ඩලයට ඉදිරිපත් කළ බවද, විශේෂයෙන් එහිදී ජාති, ආගම්, කුල, වර්ණ, ලිංග සහ දේශපාලන භේදයන්ගෙන් තොරව ගමේ ජනතාවගේ ගැටලු ගම් මට්ටමෙන් විසදා ගැනීම සදහා සෑම ග්‍රාමසේවා වසමකම ජනතා සහභාගීත්ව සහිත ජනසභා පිහිටුවීමට යෝජනා කෙරුණු බවද වැඩිදුරටත් පැවසුවේය.
එහිදී ගම වශයෙන් සමගියෙන් රැස්වී ගමේ පවත්නා අඩුපාඩු, දුර්වලතා සහ ප්‍රශ්න නිසි ලෙස හදුනාගනිමින් ගැටලු සදහා විසදුම් ලබාගැනීමට මෙන්ම රාජ්‍ය නිලධාරීන්ට බිම් මට්ටමෙන් නිවැරදි තොරතුරු සහිතව කරුණු ඉදිරිපත් කිරීමට හැකිවන ආකාරයේ සැලසුම් සකසාගත හැකි නිර්දේශපාලනීකරණය වූ ජනසභා ක්‍රමයක් ඇති කිරීමට එම යෝජනාව ඉදිරිපත් වුණු බවද අවධාරණය කළේය.
