පාසල්වල කළමනාකරණ සේවයට බඳවා ගැනීමේ දී තිස් දහසක් පමණ සිටින අධ්‍යාපන අනධ්‍යන සේවකයන්,සඳහා එම අවස්ථාව ලබා දීම සම්බන්ධයෙන් අවධානය යොමු කරන බව අධ්‍යාපන අමාත්‍ය සුසිල් ප්‍රේම්ජයන්ත් මහතා අද (19) පාර්ලිමේන්තුවේ දී පැවසීය.
තිස් දහසක් පමණ සිටින අධ්‍යාපන අනධ්‍යයන සේවක පිරිස් සම්බන්ධයෙන් කිසිම ජාතික ප්‍රතිපත්තියක් නොමැති බවත්, ඔවුන්ට උසස් වීමේ ක්‍රමවේදයක් නොමැති බවත්, ඔවුන්ගේ ගැටලූ ඉදිරිපත් කිරීම සදහා අවස්ථාවක් නැති බවත් කියමින් විපක්ෂ නායක සජිත් ප්‍රේමදාස මහතා ඉදිරිපත් කළ ප්‍රශ්නයකට පිළිතුරු දෙමින් අධ්‍යාපන අමාත්‍යවරයා මේ බව පැවසීය.
රාජ්‍ය සේවයේ ඕනෑම කෙනෙකුට වසර 05කින් කළමනාකරණ සේවා විභාගයට පෙනී සිටිය හැකි බවත් ඒ සඳහා ද මෙම පිරිසට ඉදිරිපත් විය හැකි බවද අමාත්‍යවරයා කීය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
