මෙවර අයවැයට පෙර සියලු රජ්‍ය ආයතනවල වාර්ෂික වාර්තා පාර්ලිමේන්තුවට ලැබීමට සැළැස්විය යුතු බව අග්‍රාමාත්‍ය දිනේෂ් ගුණවර්ධන මහතා අද(20) පාර්ලිමේන්තුවේ දී ප්‍රකාශ කළේය.
පසුගිය වසර කිහිපයක ගිණුම් සහ වාර්ෂික වාර්තා බොහෝ රාජ්‍ය ආයතන ඉදිරිපත් කර නොමැති බව බව කී අග්‍රාමාත්‍යවරයා, රාජ්‍ය මුදල් පිළිබඳ වගකීම පාර්ලිමේන්තුව සතු බවත් බොහෝ රාජ්‍ය ආයතන තම යුතුකම් කොටස නිවැරදිව ඉටු කර නොමැති බවද ප්‍රකාශ කළේය.
සෑම අමාත්‍යාංශයකම ලේකම්වරයා ප්‍රධාන ගිණුම් නිලධාරියා වන බවත් එම ආයතවල ආයතන ප්‍රධානින් කැඳවා මේ සම්බන්ධයෙන් උපදෙස් ලබා දිය යුතු බවත් එවිට මෙම පාර්ලිමේන්තුවේ කටයුතු වලට ගෞරවයක් ලැබෙනු ඇතයිද අගමැතිවරයා ප්‍රකාශ කළේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
