රට තුළ ගෝස් සහ පුළුං හිඟයක් පවතින්නේ යැයි මේ දිනවල ඇතැම් මාධ්‍ය වල පළවන පුවත් වල කිසිදු සත්‍යතාවයක් නැතැයිද, ගෝස් සහ පුළුං සම්බන්ධයෙන් පරීක්ෂා කර බැලීමේදී ඒවා අවශ්‍ය ප්‍රමාණයට පවතින බවද වෛද්‍ය සැපයුම් අංශයේ නියෝජ්‍ය සෞඛ්‍ය සේවා අධ්‍යක්ෂ ජනරාල් විශේෂඥ වෛද්‍ය ඩී. ආර්. කේ. හේරත් මහතා පැවසුවේය.
ඔහු මේ බව කියා සිටියේ (25) රජයේ නිල පුවත් වෙබ් අඩවිය සිදුකළ විමසීමකදීය.
මෙම දිනවල අත්‍යවශ්‍ය ඖෂධ වල යම් ප්‍රමාණයක හිඟතාවක් පවතින බවද එය නිවැරදි කිරීමට කටයුතු කරමින් යන බවද සදහන් කළේය.
රාජ්‍ය ඖෂධ නීතිගත සංස්ථාවට ඖෂධ ලබාදෙන සැපයුම්කරුවන් හට විශාල වශයෙන් මුදල් ගෙවීමට ඇති බවද සැපයුම්කරුවන්ගේ මුදල් ගෙවූපසු මෙම ගැටලු කඩිනමින් නිවැරදි වනු ඇති බවද අංශයේ නියෝජ්‍ය සෞඛ්‍ය සේවා අධ්‍යක්ෂ ජනරාල්වරයා වැඩිදුරටත් කියාසිටියේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
