මෙරට ආණ්ඩුක්‍රම ව්‍යවස්ථාවේ 22 වැනි සංශෝධනය අනුව ද්විත්ව පුරවැසියන්ට ව්‍යවස්ථාදායකය නියෝජනය කිරීම සිදු කළ නොහැක්කක් බවත්, එය විසඳාගැනීමට නම් අධිකරණය තුළින් ක්‍රියාමාර්ග ගතයුතු බවත්, කැබිනට් මාධ්‍ය ප්‍රකාශක ජනමාධ්‍ය අමාත්‍ය බන්දුල ගුණවර්ධන මහතා පවසයි.
රජයේ ප්‍රවෘත්ති දෙපාර්තමේන්තු පරිශ්‍රයේ අද(26) පැවති කැබිනට් තීරණ දැනුම් දීමේ මාධ්‍ය සාකච්ඡාවේ දී ද්විත්ව පුරවැසියන් ව්‍යවස්ථාදායකයෙන් ඉල්ලා අස්වීම හෝ ඉවත් කිරීම සම්බන්ධයෙන් ගන්නා ක්‍රියාමාර්ග පිළිබඳ මාධ්‍ය විමසු විට ඒ මහතා මෙසේ පිළිතුරු ලබාදුන්නේය.
වැඩිදුරටත් අදහස් දක්වමින් අමාත්‍යවරයා පැවසුවේ, ද්විත්ව පුරවැසිභාවය සම්බන්ධයෙන් ඇතැම් මහජන නියෝජිතයන්ගේ නම් ප්‍රකාශ වන බවත්, ඒ සම්බන්ධයෙන් රජයක් ලෙස සොයා බලා කටයුතු කිරීමට තමන්ට බලයක් නොමැති බවත්, සියල්ල කළ හැක්කේ අධිකරණය මගින් බවත්ය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
