ඒ අනුව, 2017 සහ 2018 වසර සඳහා සමුපකාර තොග වෙළඳ සංස්ථාවේ (සතොස) වාර්ෂික වාර්තාව සහ ගිණුම්, 2018 වසර සඳහා සීමාසහිත ලංකා සතොස ආයතනයේ වාර්ෂික වාර්තාව, 2016 සහ 2020 වර්ෂ සඳහා පාරිභෝගික කටයුතු අධිකාරියේ වාර්ෂික වාර්තාව සහ 2020 වසර සඳහා ශ්‍රී ලංකා ප්‍රතීතන මණ්ඩලයේ වාර්ෂික වාර්තාව කමිටුව විසින් සැලකිල්ලට ගෙන අනුමතිය ලබා දෙන ලදී.
දිවංගත අමාත්‍ය ලලිත් ඇතුලත්මුදලි මහතා විසින් ආරම්භ කළ මහපොළ අධ්‍යාපනික හා වෙළෙඳ ප්‍රදර්ශන පසුගිය වසර කිහිපය තුළ ක්‍රියාත්මක නොවීම පිළිබඳව කමිටුවේ අවධානය යොමුවූ අතර අමාත්‍ය නලින් ප්‍රනාන්දු මහතා ප්‍රකාශ කළේ එම වැඩපිළිවෙළ මෙම වසර අවසන් වීමට පෙර යළි ආරම්භ කිරීමට අපේක්ෂා කරන බවයි.
රාජ්‍ය අමාත්‍ය අනුප පැස්කුවල් මහතා ද අමාත්‍යාංශය නියෝජනය කරමින් රාජ්‍ය නිලධාරීහු ද මෙම කමිටු රැස්වීමට එක්ව සිටියහ.
