2022 නොවැම්බර් 03 වන දින සිට ක්‍රියාත්මක වන පරිදි රජය සතු ලංකා සතොස අත්‍යාවශ්‍ය භාණ්ඩ 05ක මිල අඩු කළ බව සතොස සභාපති පසඳ යාපා අබේවර්ධන මහතා ප්‍රකාශ කරයි.
රජයේ නිල වෙබ් අඩවිය අමතමින් ඒ මහතා මේ බව අද (04) ප්‍රකාශ කළේය.
ඒ අනුව, සුදු සීනි කිලෝවක් රුපියල් 238 ක් ද, හාල්මැස්සන් කිලෝවක් රුපියල් 1300 ක්, පරිප්පු කිලෝවක් රුපියල් 398 ක් ද තිරිගු පිටි නව මිල 279ක් වශයෙන් නව මිල සංශෝධනය වී තිබේ.
එමෙන්ම, සැමන් ටින් එකක නව මිල රුපියල් 585 ක් වන බව ද සඳහන් කළ ඒ මහතා ඉදිරියේ දී සතොස මඟින් ජනතාවට තවත් සහන ලබා දීමට හැකි වනු ඇතැයි ද හෙතෙම වැඩිදුරටත් ප්‍රකාශ කළේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
