ඉකුත් නොවැම්බර් 03 දා ද්වී පාර්ශවික ණය හිමියන් සමඟ පැවති සාකච්ඡා සම්බන්ධයෙන් මාධ්‍යයට නිවේදනයක් නිකුත් කරමින් ඒ මහතා මේ බව සඳහන් කර ඇත.
වැඩිදුරටත් අදහස් දක්වමින් චීනය හා ඉන්දියාව ඇතුළු අනෙකුත් සියලුම ද්වී පාර්ශවික ණය හිමියන් මෙම සාකච්ඡා සඳහා සහභාගි වූ බවත්, ණය සම්බන්ධයෙන් කිසිඳු ණය හිමි රටක් මෙරටට කිසිඳු කොන්දේසියක් ඉදිරිපත් නොකළ බවත්, ඉදිරියේදී පැවැත්වෙන සාකච්ඡා ණය ලබාගැනීම කෙරෙහි සුවිසල් බලපෑමක් කරන බැවින් එම සාකච්ඡා වට සාර්ථක කරගැනීමට අපේක්ෂා කරන බවත් අමාත්‍යවරයා සඳහන් කළේය.
මෙම ක්‍රියාවලිය ඉතාම සංකීර්ණ බවත්, ණය හිමියන්ට මේ සම්බන්ධයෙන් තවත් තොරතුරු අවශ්‍ය බව දන්වා ඇති බවත්, ශ්‍රී ලංකා මහ බැංකුව හා මුදල් අමාත්‍යංශය එක්ව එය ඉදිරියේදී සම්බන්ධීකරණය කිරීමට කටයුතු කරන බවත් අමාත්‍යවරයා තවදුරටත් සඳහන් කළේය
