බණ්ඩාරගම මිල්ලනිය පාසලක දරුවන් පිරිසකට පොලිස් නිලධාරීන් පහරදුන් බවට සඳහන් සිද්ධිය සම්බන්ධයෙන් බස්නාහිර පළාත් අධ්‍යාපන අමාත්‍යංශයේ විමර්ශන අංශය මගින් වෙනම විමර්ශනයක් ආරම්භ කර ඇතැයි අධ්‍යාපන අමාත්‍ය සුසිල් ප්‍රේම්ජයන්ත් මහතා අද(08) පාර්ලිමේන්තුවේදී පැවසීය.
දරුවන්ගේ මනස තේරුම්ගෙන මෙවැනි සිදුවීම් වලදී කටයුතු කිරීම සම්බන්ධයෙන් පසුගිය දින වල බස්නාහිර පළාතේ කොළඹ නගරයේ පාසල් ආවරණය වන පරිදි විශේෂ වැඩමුළුවක් පැවැත් වූ බවත් ඉදිරියේ දී එම වැඩසටහන් රට පුරා ක්‍රියාත්මක කිරීමට බලාපොරොත්තු වන බවද කීය.
වැඩිදුරටත් අදහස් දැක් වූ අමාත්‍යවරයා පැවසුවේ,දරුවන්ට පාසල්වල කටයුතු කළ යුතු ආකාරය සම්බන්ධයෙන් විශේෂ චක්‍රලේඛයක් නිකුත් කර ඇති බවයි.
ඉදිරියේ දී එම වැඩසටහන රටපුරා ක්‍රියාත්මක කිරීමට බලාපොරොත්තු වන බවද අධ්‍යාපන අමාත්‍යවරයා කීය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
