සාමාන්‍ය පෙළ විභාගයට පෙනී සිටි දරුවන් සඳහා වෘත්තීය පුහුණුව පාසලෙන් ම ලබා ගැනීමට නව වැඩපිළිවෙළක් ලබන වසරේ සිට ක්‍රියාත්මක කරන බව අධ්‍යපන අමාත්‍ය සුසිල් ප්‍රේම්ජයන්ත් මහතා අද(10) පාර්ලිමේන්තුවේ දී පැවසීය.
පාර්ලිමේන්තු මන්ත්‍රී රෝහණ බණ්ඩාර මහතා යොමු කළ වාචික ප්‍රශ්නයකට පිළිතුරු දෙමින් අධ්‍යාපන අමාත්‍යවරයා මේ බව පැවසීය.
දිවයින පුරා පාසල් 526ක් මෙම 13+ වෘත්තීය පුහුණු වැඩසටහන සඳහා නම් කර තිබේ. කොළඹ දිස්ත්‍රික්කයේ පමණක් පාසල් 19ක් මේ සඳහා තෝරාගෙන තිබෙන බව ද අමාත්‍යවරයා කීය.
ඒ අනුව සාමාන්‍ය පෙළ විභාගයේ හොඳ ප්‍රතිඵල නොමැති මූලික දැනුමින් සවිමත් දරුවන්ට මෙම පාඨමාලා සඳහා යොමුවිය හැකිය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
