දේශීය වෛද්‍ය රාජ්‍ය අමාත්‍යාංශය, ආයුර්වේද දෙපාර්තමේන්තුව, රණවිරු සේවා අධිකාරිය එක්ව මෙම ''හෙළවිරු සුව ධරණී සුව සේවා''වෛද්‍ය සායන මාලාව දිවයින පුරා පිහිටි රණවිරු ගම්මාන ඉලක්ක කර ගනිමින් ක්‍රියාත්මක කරනු ලබන අතර එහිදී යුද්ධය අතරතුර ආබාධිත තත්වයට පත් වූ රණවිරුවන් සහ ඔවුන්ගේ පවුල් සඳහා ආයුර්වේද ප්‍රතිකාර ලබා දීම සිදු කරනු ලබයි. එහිදී ආබාධිත රණවිරුවන් උදෙසා ආධාරක උපකරණ ප්‍රදානය කිරීමක්ද සිදු කෙරිණ.
මෙම සමාරම්භක වැඩසටහන සඳහා රණවිරු සේවා අධිකාරියේ අධ්‍යක්ෂ මේජර් ජනරාල් කිත්සිරි ඒකනායක, සෞඛ්‍ය අමාත්‍යාංශයේ අතිරේක ලේකම් කුමාරි වීරසේකර, ආයුර්වේද කොමසාරිස් ධම්මික අබේගුණවර්ධන යන මහත්ම මහත්මීන් ඇතුළු රණවිරුවන්, වෛද්‍යවරුන් ඇතුළු ප්‍රදේශවාසීන් විශාල පිරිසක් සහභාගී වී සිටියහ.
