කලාකරුවන් සඳහා කතෘභාගය ලබාදීමේ ක්‍රියාවලිය කඩිනම් කිරීම සම්බන්ධයෙන් සාකච්ඡාවක් අමාත්‍ය නලින් ප්‍රනාන්දු මහතාගේ ප්‍රධානත්වයෙන් (09 දින) වෙළෙඳ වාණිජ හා ආහාර සුරක්ෂිතතා අමාත්‍යාංශයේදී පැවැත්විණ.
මෙහිදී කලාකරුවන් සඳහා කතෘභාගය ලබා දීම ප්‍රමාද විම සම්බන්ධයෙන් අමාත්‍යවරයා කරුණු විමසූ අතර රූපවාහිණී නාලිකා මඟින් නිසි ලෙස අදාළ කලාකරුවන්ගේ නම් හා බැංකු ගිණුම් ඇතුළු තොරතුරු ලබා නොදීම හේතුවෙන් මෙම ගැටළුව ඇතිවී තිබෙන බව ශ්‍රී ලංකා ගී පද රචක, සංගීත කතෘ හා ප්‍රකාශකයින්ගේ සංවිධානයේ හා ගීත නිර්මාපක කේන්ද්‍රයේ සාමාජිකයන් සඳහන් කරන ලදී.
මෙම අවස්ථාව සඳහා වෙළෙඳ අමාත්‍යාංශ ලේකම් එස්.ටී කොඩිකාර ඇතුළු අමාත්‍යාංශ උසස් නිළධාරීන්, ජාතික බුද්ධිමය දේපළ අධිකාරියේ අධ්‍යක්ෂ ජනරාල් ගීතාංජලී රණවක, ජාතික බුද්ධිමය දේපළ අධිකාරියේ අධ්‍යක්ෂ හෙට්ටිගේ, ජාතික බුද්ධිමය දේපළ අධිකාරියේ ගණකාධිකාරි ආර්.පී.එස් රාජපක්ෂ, ශ්‍රී ලංකා ගී පද රචක,සංගීත කතෘ හා ප්‍රකාශකයින්ගේ සංවිධානයේ සභාපති ඩබ්.බී ගනේගල, ශ්‍රී ලංකා ගී පද රචක, සංගීත කතෘ හා ප්‍රකාශකයින්ගේ සංවිධානයේ අධ්‍යක්ෂවරුන් වන රංග දිසනායක හා ටී රාජ්කුමාර, ගීත නිර්මාපක කේන්ද්‍රයේ අධ්‍යක්ෂකවරුන් වන ජානක වික්‍රමසිංහ, තිලක් හේවාකපුගේ හා පී ජයවර්ධන ඇතුළු මහත්ම මහත්මීහු පිරිසක් සහභාගී වූහ.
