මැතිවරණ කොමිෂන් සභාව ස්වාධීන කොමිෂන් සභාවක් බැවින් එය ස්වාධීනව කටයුතු කරන බවත් ඊට කිසිදු පාර්ශවයකට බලපෑම් කළ නොහැකි බව අග්‍රාමාත්‍ය දිනේෂ් ගුණවර්ධන මහතා අද (17) පාර්ලිමේන්තුවේ දී පැවසීය.
අග්‍රාමාත්‍යවරයා මෙසේ ප්‍රකාශ කළේ, විපක්ෂ නායකවරයා යොමු කළ ප්‍රශ්න කීපයකට ප්‍රතිචාර දක්වමිනි.
මෙරට ශිෂ්‍ය ප්‍රජාවට අධ්‍යාපනය ලැබීමේදි පවතින අර්බුද ඉවත් කිරීමට අදාළ ක්‍රියාවලිය මේ වනවිටත් ක්‍රියාත්මක කර ඇතැයි ද පැවසීය. පෙළපොත් මුද්‍රණයට අවශ්‍ය කඩදාසි ආනයනය කර තිබෙන බවත් අයවැයෙන් ඒ සඳහා අවශ්‍ය මුදල් වෙන් කර ඇතැයිද අග්‍රාමාත්‍යවරයා පැවසීය.
රාජ්‍ය මුද්‍රණ නීතිගත සංස්ථාව මගින් මෙම පෙළ පොත් මුද්‍රණය සිදුවෙන බවත් අග්‍රාමාත්‍යවරයා කීය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
