මහබැංකුව වඩා ස්වාධීන ආයතනයක් බවට පත් කිරීමට අවශ්‍ය නීති රාමුව මහබැංකුවත් නීතිපති දෙපාර්තමේන්තුවත් එක්ව සකස් කරමින් පවතින බව මුදල් රාජ්‍ය අමාත්‍ය ශෙහාන් සේමසිංහ මහතා පවසයි.
රාජ්‍ය අමාත්‍යවරයා මේ බව සඳහන් කළේ, අද (19) පාර්ලිමේන්තුවේ දී විපක්ෂනායකවරයා මහබැංකුව සම්බන්ධව මතු කළ ප්‍රශ්නයකට පිළිතුරු ලබාදෙමිනි.
මහබැංකුව ස්වාධීන කිරීමට අවශ්‍ය අනපනත් ගෙන නොඑන්නේ මන්දැයි විපක්ෂනායකවරයා ප්‍රශ්න කළේ ය
මෙහි අවසාන කටයුතු සිදුවූවාට පසු වඩා ස්වාධීනව කටයුතු කළ හැකි මහබැංකුවකට අවශ්‍ය අනපනත් පාර්ලිමේන්තුවට ගෙන ඒමට හැකි බවත් මේවන විටත් ඒ වැඩකටයුතු බොහෝ දුරට ගමන්කර තිබෙන බව ද රාජ්‍ය අමාත්‍යවරයා පාර්ලිමේන්තුවට හෙළි කළේ ය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
