අඩු ආදායම්ලාභී පවුල් සඳහා ලබා දෙන රුපියල් පන්දහසේ දීමනාව අඩු කර හෝ කප්පාදු කර නැති බව මුදල් රාජ්‍ය අමාත්‍ය ශෙහාන් සේමසිංහ මහතා අද (21)පාර්ලිමේන්තුවේ දී පැවසීය.
අයවැය විවාදය පැවැත්වෙන අවස්ථාවේ නැගෙනහිර පළාත් පාර්ලිමේන්තු මන්ත්‍රී එස්. රාසමනික්කම් මහතා යොමුකළ ප්‍රශ්නයකට පිළිතුරු දෙමින් රාජ්‍ය අමාත්‍යවරයා මේ බව පැවසිය.
ඒ ඒ ප්‍ර දේශවල පොරොත්තු ලේඛනවල සිටි පිරිසට පවා මෙම දීමනාව ලබා දී ඇතැයි ද ශෙහාන් සේමසිංහ රාජ්‍ය අමාත්‍යවරයා සඳහන් කළේය. පවතින ආර්ථිකය හමුවේ වුවද නොකඩවා එම දිමනා ලබා දී ඇති බවත් ජනවාරි සිට අප්‍රේල් මාසය දක්වාත් එම ගෙවීම් සඳහා මුදල් වෙන් කර ඇතැයි රාජ්‍ය අමාත්‍යවරයා කිය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
