සංචාරක වීසා මත රටෙන් පිටවන පිරිස් සම්බන්ධයෙන් අවධානයෙන් පසුවන බවත්, රටෙන් පිටවූ පිරිස් නැවත නිසි කාලයේදී නොපැමිණියේ නම් ඔවුන් සම්බන්ධයෙන් සොයා බැලීමට විදේශ සේවා නියුක්ති කාර්යංශය කටයුතු කරන බවත්, ඩී.ඩී.පී. සේනානායක මහතා (සාමාන්‍යාධිකාරී -ආර්ථික) පවසයි.
රජයේ ප්‍රවෘත්ති දෙපාර්තමේන්තු පරිශ්‍රයේ (21) “ශ්‍රී ලාංකික ගෘහ සේවිකාවන් ඕමාන් රටේ දී අපහසුතාවය පත් කිරීම් සිද්ධි සම්බන්ධයෙන්” පැවති මාධ්‍ය සාකච්ඡාවට එක්වෙමින් ඒ මහතා මේ බව පැවසුවේ සංචාරක වීසා මත රැකියාවලට පිටවන පිරිස් සම්බන්ධයෙන් මාධ්‍ය කළ විමසුමකට පිළිතුරු ලෙසය.
නිසි කාලය අවසන් වූ සංචාරක වීසා හිමි අය සම්බන්ධයෙන් තවත් සහන කාලයක් ලබාදෙන බවත්, ඉන් අනතුරුව නිසි කාලය තුළ නොපැමිණෙන අය සම්බන්ධයෙන් නීති ප්‍රකාරක කටයුතු ආරම්භ කරන බවත්, ඒ මහතා පැවසීය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
