මේ හේතුව නිසා විදෙස්හි පිහිටි ශ්‍රී ලාංකික තානාපති කාර්යාලයන්හි වැඩ කටයුතු ඉතා අපහසුවෙන් පවත්වාගෙන යන බවද අමාත්‍යවරයා අද (22) පාර්ලිමේන්තුවේ දී යොමු කළ ප්‍රශ්නයකට පිළිතුරු දෙමින් පෙන්වා දුන්නේය.
ඕමානයේ තානාපති කාර්යාලයේ සිටින විදේශ සේවා නියුක්ති කාර්යංශ නිලධාරියා සම්බන්ධයෙන් පාර්ලිමේන්තු මන්ත්‍රී චමින්ද විජේසිරි මහතා යොමු කළ ප්‍රශ්නයකට පිළිතුරු දෙමින් අමාත්‍යවරයා පැවසුවේ, අදාළ පුද්ගලයාට එරෙහිව නීතිය ක්‍රියාත්මක කරන බවයි. මේ වන විට එම පුද්ගලයාගේ වැඩ තහනම් කර තානාපති සේවය අත්හිටුවා තිබේ.
''අපි නිලධාරින් රකින්න නැහැ. අදාළ පරීක්ෂණයෙන් පසු අදාළ නීතිමය ක්‍රියාමාර්ග ගන්නා'' බවද අමාත්‍යවරයා කීය.
මෙවැනි සිද්ධීන් සම්බන්ධයෙන් විදේශ සේවා නියුක්ති කාර්යංශය නිරන්තර අවධානයෙන් පසුවන බවත් , මීට මාසයකට පෙර ජනාධිපති රනිල් වික්‍රමසිංහ මහතා විසින් විශේෂ කණ්ඩායමක් ඕමානයට යැවූ බවත් ඒ අනුව මේ සම්බන්ධයෙන් අනාවරණය වූ බවද අමාත්‍යවරයා වැඩිදුරටත් පෙන්වා දුන්නේය.
