දෙසැම්බර් මස 07 වන දා දඹදෙණිය කවුඩුමුල්ල විහාරස්ථානයෙන් මෙම කටයුතු ආරම්භ වී දෙසැම්බර් 08 සිට 12 දක්වා වූ කාල සිමාව තුළ පිරිත් සජ්ඣායනා කිරීම සිදු කෙරෙනු ඇත.

ඒ අනුව, නවවෙනි දින බෙලිඅත්තට රාත්‍රී පැමිණෙන පෙරහැර 10 වෙනිදා පෙරවරු 6.45 ට බෙලිඅත්ත සිට දුම්රියෙන් ගමන් කිරීමට නියමිතය. එම පිරිත් සජ්ඣායනා කෙරෙන දුම්රිය මාතර දුම්රිය ස්ථානයට පෙරවරු 7.20 ට, ගාල්ල දුම්රිය ස්ථානයට පෙරවරු 8.30ට, කොළඹ කොටුව දුම්රිය ස්ථානයට පස්වරු 1.07 ට ගමන් කිරීමට නියමිත වන අතර කුරුණෑගල දුම්රිය ස්ථානයට පස්වරු 5.05 වන විට ගමන් කිරීමට ද කටයුතු යොදා තිබේ.

ඉන්පසු එම දුම්රිය 12 වන දින කුරුණෑගල දුම්රිය ස්ථානයෙන් පෙරවරු 6.20 ට කන්කසන්තුරේ දක්වා පිටත් වනු ඇත. මෙම කර්තව්‍ය සිදු කෙරෙන දුම්රිය බෙලිඅත්ත දුම්රිය ස්ථානයේ සිට කන්කසන්තුරේ දුම්රිය ස්ථානය දක්වා වන සෑම ප්‍රධාන දුම්රිය ස්ථානයකම නවත්වන බවත්, එම දුම්රිය ස්ථාන වල දුම්රිය ස්ථානාධිපතිවරුන් ව මේ පිළිබඳව මේ වන විටත් දැනුවත් කර තිබෙන බව ද හෙතෙම පැවසීය. එමෙන්ම, මේ සඳහා ආධාර උපකාර කිරීමට කැමති සියලු දෙනාට ඒ සඳහා අවස්ථාව තිබෙන බව ද හෙතෙම වැඩිදුරටත් සඳහන් කළේය.

උතුරේ සහ දකුණේ ජනතාවගේ සහයෝගිතාවය වර්ධනය කරනු වස් සිදු කෙරෙන මෙම කර්තව්‍ය සඳහා දුම්රිය දෙපාර්තමේන්තුව සිය සහාය ලබා දෙයි. ශාන්ති පදනමේ නිර්මාතෘ අතිපූජ්‍ය කොටපොල අමරකීර්ති නාහිමි, අතිපූජ්‍ය මාතලේ රේවත හිමි මෙම මාධ්‍ය හමුවට සහභාගී වූහ