ඒ අනුව මඩකළපුව දිස්ත්‍රික්කයේ වෙරුගල්ආරු සිට මඩකළපුව දක්වා ඇති වෙරළාශ්‍රිත රජයේ සහ පෞද්ගලික ඉඩම් හඳුනා ගැනීම පිළිබඳව මෙහිදී සාකච්ඡා විය.
එම ප්‍රදේශය සංචාරක කලාපයක් ලෙස සංවර්ධනය කරමින් 2023 වසරේදී මඩකලපුව හොඳම සංචාරක ගමනාන්තයක් බවට පත්කර ගැනීම මෙහි අරමුණ වී තිබේ.
මඩකළපුව දිස්ත්‍රික් ලේකම් කේ. කරුණාහරන් මහතා ඇතුළු ප්‍රාදේශීය ලේකම්වරු කිහිප දෙනෙකු සූම් තාක්ෂණය ඔස්සේ මෙම සාකච්ඡාවට එක් වූහ.
ජනාධිපති ලේකම් සමන් ඒකනායක, ජාතික ආරක්ෂාව පිළිබඳ ජනාධිපති ජ්‍යෙෂ්ඨ උපදේශක හා ජනාධිපති කාර්ය මණ්ඩල ප්‍රධානී සාගල රත්නායක, ජනාධිපති ජ්‍යෙෂ්ඨ ආර්ථික උපදේශක ආචාර්ය ආර්.එච්.එස්. සමරතුංග, සංචාරක හා ඉඩම් අමාත්‍යාංශයේ ලේකම් ඩබ්ලිව්.ඒ. චූලානන්ද පෙරේරා, වනජීවි හා වන සම්පත් සංරක්ෂණ අමාත්‍යාංශයේ ලේකම් ආර්.එම්.සී.එම්. හේරත් යන මහත්ම මහත්මීහු සහ රේඛීය ආයතනවල ප්‍රධානීන් ඇතුළු නිලධාරින් මෙම සාකච්ඡාවට සහභාගී වූහ.
