ආදායම් බදු තොරතුරු ඇතුළත් කිරීම සඳහා ලබා දුන් කාලය තවත් සතියකින් දීර්ඝ කරන බවත් එම කාලය තුළ කිසිදු දඩ මුදල් අයකිරිමක් සිදු නොවන බව මුදල් රාජ්‍ය අමාත්‍ය ශෙහාන් සේමසිංහ මහතා පාර්ලිමේන්තුවේදී අද(01) පැවසීය.
පාර්ලිමේන්තු මන්ත්‍රී ජේ. සී අලවතුවල මහතා යොමු කළ වාචික ප්‍රශ්නයකට පිළිතුරු දෙමින් රාජ්‍ය අමාත්‍යවරයා මේ බව පැවසීය.
එම බදු තොරතුරු ඇතුළ් කිරීම සඳහා සකස් කළ මෘදුකාංගයේ ඇති වී තිබෙන තදබදය හේතුවෙන් එම මෘදුකාංගය ක්‍රියා නොකරන බවද හෙතෙම සඳහන් කළේය.
බදු තොරතුරු ඇතුළ් කිරීම සඳහා ලබා දුන් අවසන් දිනය වූ ඊයේ දිනයේ බොහෝ දෙනා එම තොරතුරු ඇතුළ් කිරීමට යාම නිසා තදබදයක් ඇති වී තිබෙන බවත් එම කාලය තුළ කිසිදු දඬයකට යටත් නොකරන බවත් රාජ්‍ය අමාත්‍යවරයා කීය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
