රජයේ ප්‍රවෘත්ති දෙපාර්තමේන්තුවේ අද (9) පැවති විහාර දේවාලගම් ආඥා පනත හා ථේරවාදී භික්ෂු කතිකාවත් පනත් කෙටුම්පත සංශෝධනය කිරීම පිළිබඳ දැනුවත් කිරීමේ ප්‍රවෘත්ති සාකච්ඡාවට සහභාගී වෙමින් උන්වහන්සේ මේ බව පැවසූහ.
විහාර දේවාලගම් පනතට වඩා භික්ෂු කතිකාවට ප්‍රමුඛතාවය ලබා දිය යුතු බවත් නිකායික සංඝ සභාවක තීරණයක් බලාත්මක කිරීමට නීතියක් නොමැති බැවින් මෙම කතිකාවත මඟින් එම කාර්යය සිදු කෙරෙනු ඇති බවත් නාහිමියෝ වැඩිදුරටත් පැවසූහ.
සංඝාධිකරණයක අවශ්‍යතාවය පෙන්වා දුන් උන්වහන්සේ , මෙම කතිකාව තුළින් ගිහියන් භික්ෂූන් වහන්සේ පාලනය නොකරන බවත් සියලු තීන්තු තීරණ සංඝයාවහන්සේලා සතු බවත් නිකායන්වලට අමතරව සියලු පාර්ශ්වයන් සඳහා පොදු කතිකාවතක් සකස් කිරීම ද කාලීන අවශ්‍යතාවයක් වන බවත් පෙන්වා දුන්හ.
මෙම අවස්ථාවට රුහුණු විශ්වවිද්‍යාලයේ කුලපති ආචාර්ය පූජ්‍ය අකුරැටියේ නන්ද නාහිමි සහ ශ්‍රී ලංකා රාමඤ්ඤ මහ නිකායේ පුජ්‍ය අනුනායක නැදගමුවේ විජයමෛත්‍රී නාහිමියන් එක් වූ සේක.
