අයිස් ඇතුළු අනිකුත් මත්ද්‍රව්‍ය ඉතාම සුක්ෂමව වේගවත්ව විශ්ව විද්‍යාල පද්ධතිය තුළ, උසස් අධ්‍යාපන ආයතන තුළ මෙන්ම පාසල් ප්‍රජාව තුළ ව්‍යාප්ත වීම පිළිබඳව කැබිනට් මණ්ඩලයේ දීර්ඝ සාකච්ඡාවට බඳුන්ව තිබේ.
අනාගත පරම්පරාව විශාල ලෙස විනාස කිරීම සඳහා කෙටිකාලීන දැවැන්ත මෙහෙයුමක් ක්‍රියාත්මක ව තිබෙන බවත්, දමවුපියන්ට දරුවන් බේරාගත නොහැකි තත්ත්වයක්, අචර්යවරුනට සිසුන් බේරාගත නොහැකි තත්ත්වයක් ප්‍රචණ්ඩත්වය හා මුසු වෙමින් රට තුළ නිර්මාණය වෙමින් පවතින බවත්, ඒ වෙනුවෙන් මෙරට අනාගත පරපුර බේරා ගැනීම සඳහා විෂ මත්ද්‍රව්‍ය හා අන්තරාදායක ඖෂධ භාවිතය වළක්වාලීම සඳහා වන කාර්ය සාධක බළකායක් කඩිනමින් පිහිටුවීමට ජනාධිපතිතුමා අධිකරණ අමාත්‍යවරයාට සහ රාජ්‍ය ආරක්ෂක අමාත්‍යවරයාට විශේෂ උපදෙස් ලබා දී ඇති බව ද හෙතෙම මෙහි දී වැඩිදුරටත් ප්‍රකාශ කළේය.
