රජයේ ප්‍රවෘත්ති දෙපාර්තමේන්තු පරිශ්‍රයේ අද(20) පැවති කැබිනට් තීරණ දැනුම්දීමේ මාධ්‍ය හමුවට එක්වූ ඒ මහතා මේ බව පැවසුවේ, පෞද්ගලික රූපවාහිනී ආයතනයක් පාර්ලිමේන්තු විශේෂ කමිටුවක් විසින් කැඳවන ලද්දේ යැයි සම්බන්ධිත ප්‍රවෘත්තියක් පිළිබඳව මාධ්‍ය කළ විමසුමකට පිළිතුරු ලබාදෙමිනි.
අධිකරණයට විශේෂිත බලතල වගකීම් තිබෙන බවත්, අධිකරණ තීරණ ප්‍රශ්න කිරීම සහ අධිකරණයට අපහස කළ බවට ඔප්පු වුවහොත් ඒ සම්බන්ධයෙන් නීතිමය පියවර ගතහැකි බවත්, අමාත්‍යවරයා පැවසීය.
එසේම පාර්ලිමේන්තුවේ හා එහි මන්ත්‍රීවරුන්ගේ වගකීම් සහ බලතල අනුව ඔවුන්ට හිමි වරප්‍රසාද තිබෙන බවත්, එම වරප්‍රසාද කඩකළ හොත් ඒ සම්බන්ධයෙන් අදාළ සිදුවීමට පාදක වූ අය පාර්ලිමේන්තු වරප්‍රසාද කමිටුවට කැඳවා ප්‍රශ්න කිරීමට පාර්ලිමේන්තුවට බලය තිබෙන බවත්, එය ජනමාධ්‍ය මර්දනයක් නොවන බවත්, අමාත්‍යවරයා පැවසීය.
