ඉන්දියානු රජයේ සහනදායි ණය ක්‍රමය යටතේ ශ්‍රී ලංකා පොලීසිය වෙත ජිප් රථ 500ක් ලබාදීමට පියවර ගෙන ඇත.
එයින්, ජීප් රථ 125ක් ඉන්දීය මහකොමසාරිස් ගෝපාල් බග්ලේ මහතා විසින් මහජන ආරක්ෂක අමාත්‍ය ටිරාන් අලස් මහතා වෙත ඊයේ (22) සංඛේතාත්මකව ලබාදුන්නේ ය.
මෙම ජිප් රථ ඉදිරියේ දී දිවයිනේ පොලිස් ස්ථාන වෙත ලබාදීමට නියමිතය.
මෙම අවස්ථාවට මහජන ආරක්ෂක අමාත්‍යාංශයේ ලේකම් එස්.හෙට්ටි ආරච්චි, පොලිස්පති සී.ඩී.වික්‍රමරත්න,ජ්‍යේෂ්ඨ නියෝජ්‍ය පොලිස්පති ( පරිපාලන ) නන්දන මුණසිංහ යන මහත්වරු ඇතුළු පිරිසක් එක්වූහ.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
