මේ සඳහා දුම්රිය ස්ථානාධිපතිවරුන්, දුම්රිය නියාමකවරුන්, දුම්රිය රියදුරන් ආදී වශයෙන් සුදුසුකම් තිබෙන දැනට රාජ්‍ය සේවයේ නියුතු රාජ්‍ය නිළධාරීන්ට අයදුම් කිරීමට අවස්ථාව හිමිවන බව හෙතෙම මෙහි දී පැවසීය.
එමෙන්ම, අත්‍යවශ්‍ය සේවා වල හිඟය නිසා කොන්ත්‍රාත් පදනම යටතේ පසුගිය කාලයේ දී දුම්රිය සේවකයින් බඳවා ගෙන තිබෙන නමුත් පසුගිය වසර වල ඒ ඒ අවස්ථාවල දුම්රිය සේවය සඳහා ක්‍රමානුකූලව බඳවාගැනීම් සිදු ව නැති නිසාත්, දුම්රිය සේවය පුහුණුවක් නොමැති ව කළ නොහැකි නිසාත්, කොන්ත්‍රාත් පදනම යටතේ බඳවා ගැනීමේ දී ඒ සඳහා වැඩි පිරිවැයක් දැරීමටත් සිදු වන නිසාත් මෙම ක්‍රියාමාර්ගය ගනු ලැබූ බව අමාත්‍යවරයා වැඩිදුරටත් සඳහන් කළේය.
