දැනට රාජ්‍ය සේවයේ සිටින සංවර්ධන නිලධාරී උපාධිධාරින් ගුරු සේවයට බඳවා ගැනීමේ වයස අවුරුදු 45 දක්වා ඉහළ දැමීම සම්බන්ධයෙන් පාර්ලිමේන්තු මන්ත්‍රී දයාසිරි ජයසේකර මහතා යොමු කළ වාචික ප්‍රශ්නයකට පිළිතුරු දෙමින් අධ්‍යාපන අමාත්‍යවරයා මේ බව පැවසීය.
වැඩිදුරටත් අදහස් දැක් වූ අධ්‍යාපන අමාත්‍යවරයා පැවසුවේ,
ගුරු සේවා ව්‍යවස්ථාවේ තිබෙන්නේ අවුරුදු 35ට අඩු අය බඳවා ගැනීමටයි. එහෙම කියන්නේ ඇයි? එහෙම වෙන්නේ , තරුණ වයස , පැහැදිළි කරන්න පුළුවන්, එවැනි ගුරුවරයෙක් තමයි පන්ති කාමරයට යවන්න ඕන. විද්‍යා පීඨ ගුරුවරු තමයි හොඳම ගුරුවරු උසස්පෙළ් විභාගයේ අවුරුදු 19 න් ඉවරවෙලා අවුරුදු 23 වෙද්දි ඩිප්ලෝමා අරන් පන්ති කාමරයට යනවා ගුරුවරයෙක් විදියට. ඕනෑම තැනක සේවය කරන්න කැමතියි. අද ඇයි දරුවෝ උපකාරක පන්ති යන්නේ. පන්ති කාමරය තුළ ගුණාත්මක අධ්‍යාපනය නොලැබෙන නිසා. එහෙනම් අවුරුදු 55 වෙනකල් බඳවා ගැනීම කරන්න පුළුවන් යැයි ද අමාත්‍යවරයා කීය.
