දිවයිනේ, පළාත් නවයේම ගුරුවරුන්ගේ තොරතුරු එකම දත්ත පද්ධතියකට ගැනීමට කටයුතු කරන බවත් ඒ අනුව , එළඹෙන මාර්තු 31 වන දිවයිනපුරා සියළුම ගුරුවරු සහ සිසුන් එකම ඩේටා බේස් එකක් යටතට ගැනීමට කටයුතු කරන බවද හෙතෙම පැවසීය.

මෙරට අධ්‍යාපන පද්ධතිය තුළ අනුමත ගුරු උපදේශක නිළධරයන් සංඛ්‍යාව 4,471 ක් වුව ද, මේ වනවිට සේවයේ නිරත වන්නේ 3,000 කටත් වඩා අඩු නිළධරයන් ප්‍රමාණයක් බවට තොරතුරු වාර්තා වේ. මේ සම්බන්ධයෙන් ස්ථාවර නියෝග 27/2 යටතේ විපක්ෂ නායක සජිත් ප්‍රේමදාස මහතා යොමු කළ ප්‍රශ්නයකට පිළිතුරු දෙමින් අධ්‍යාපන අමාත්‍යවරයා මේ බව පැවසීය.

දිවයිනේ පළාත් 9ටම අයත් අධ්‍යාපන කාර්යාල ඩිජිටල්කරණය කිරීමෙන්, පළාත් දෙකක් තුළ ගුරු මාරුවීම් ඇතුළු සියළු කටයුතු පහසු වන බවද හෙතෙම පෙන්වා දුන්නේය.එවිට ගුරුවරුන්ට කළාප කාර්යාල වලට නොගොස් ඔන්ලයින් ක්‍රමය හරහා තම කටයුතු ඉටු කර ගත හැකි වනු ඇත.