තවමත් කොවිඩ් රෝගය සම්පූර්ණයෙන් තුරන් වී නොමැති බැවින් නීතියෙන් අනිවාර්ය කර නොතිබුණද හැකි සෑම අවස්ථාවකම මුහුණු ආවරණ පැළඳීම, සමාජ දුරස්ථභාවය ආරක්ෂා කරගැනීම, දෑත් පිරිසිදුව තබාගැනීම ආදී සෞඛ්‍ය පුරුදු නොකඩවා අනුගමනය කරන ලෙස නියෝජ්‍ය සෞඛ්‍ය සේවා අධ්‍යක්ෂ ජනරාල් විශේෂඥ වෛද්‍ය හේමන්ත හේරත් මහතා පැවසුවේය.
ඔහු මේ බව කියා සිටියේ, අද (16) රජයේ නිල පුවත් වෙබ් අඩවියට අදහස් දක්වමිනි.
මේ වන විට කොවිඩ් එන්නත් පළමු මාත්‍රාව මිලියන 16ක්ද දෙවන මාත්‍රාව මිලියන 14ක්ද ලබාගත් බවද තුන්වන මාත්‍රාව මිලියන 14ක් පමණ ගෙන්වූවද එයින් මිලියන 07ක් පමණක් තුන්වන මාත්‍රාව ලබාගත් බවද සඳහන් කළ නියෝජ්‍ය සෞඛ්‍ය සේවා අධ්‍යක්ෂ ජනරාල්වරයා හතර වන මාත්‍රාව ලබාගෙන ඇත්තේ ලක්ෂ 02ක් පමණක් බවද වැඩිදුරටත් කියා සිටියේය.
රජයේ නිල පුවත් වෙබ් අඩවිය පවත්වාගෙන යනු ලබන්නේ රජයේ ප්‍රවෘත්ති දෙපාර්තමේන්තුවේ නව මාධ්‍ය ඒකකය මගිනි. 1996 වර්ෂයේ මැද භාගයේ දී news.lk නමින් ආරම්භ කළ එය අන්තර්ජාලයට මුදාහරින ලද්දේ 1997 මාර්තු මස 01 දින දීය. එතැන් පටන් සිංහල, දෙමළ හා ඉංග්‍රීසි භාෂාවලින් පවත්වාගෙන යනු ලබයි.
+94 11 366 3040
