මෙම ප්‍රදර්ශනය ජනවාරි මස 25 සහ 26 යන දෙදින පුරා පැවැත්වුණු අතර ස්වයං රැකියා හා වනිතා කටයුතු සංසදය මගින් ක්‍රියාත්මක කෙරෙන වස විසෙන් තොර දේශීය ආහාර නිෂ්පාදන සිව්මස් පාඨමාලාව හැදෑරූ 20 දෙනකුගෙන් යුත් කණ්ඩායමේ ආහාර නිෂ්පාදනය මෙහිදී ඉදිරිපත් කර තිබුණි.
විදේශිය ආහාර වර්ගවලට ජනතාව දක්වන වැඩි රුචිකත්වය වෙනුවට දේශීය ආහාර වලින් කෙරෙන නිෂ්පාදන කෙරෙහි වැඩි නැඹුරුවක් ඇති කර විදේශයන් වෙත ඇදී යන මෙරට විනිමය අවම කිරීම මෙහි අරමුණ වේ.
මෙම අවස්ථාවට පළාත් ප්‍රධාන ලේකම් චන්දසිරි බණ්ඩාර, ආණ්ඩුකාර ලේකම් හා ග්‍රාම සංවර්ධන අමාත්‍යංශයේ ලේකම් රන්ජන් ජයසිංහ ඇතුලු අමාත්‍යාංශ ලේකම්වරු, පළාත් ග්‍රාම සංවර්ධන අධ්‍යක්ෂ ගයාන් ඉන්දික වන්නිනායක මහතා සහ දෙපාර්තමේන්තු ප්‍රධානින් හා ස්වයං රැකියාලාභීන් පිරිසක් සහභාගී විය.
